قواعد تازلالت الأربعون لمحمد سقراط ... دليلك الى علم النكاح

     واحد البنت سولات الأم ديالها :_ ماما شناهو البليزير ؟

_ البليزير أبنيتي هو يشدك شي صاحبك و ينكحك مزيان ..

_ و آشناهو الكراند بليزير الواليدة ؟

_ الكراند بليزير هو يشدك شي صاحبك و يعشيك فبلاصة زينة و يسكرك و ينكحك مزيان و يحطليك فالصباح ألف درهم .

_و آشناهو الحب الواليدة ؟

الحب أبنيتي ختارعوه غي ولاد لقحاب باش يحويو فابور ...

هذه نكتة , و لكن نحن أخدناها كحكمة و كنمط عيش , حيث كنا من ننكح فابور بإسم الحوووب , و وضعنا قوانين لهاد النمط من العيش,  و مفردات خاصة مثلا : ساطة كووول  هي ساطة كتمشي معاك للفراش فأقرب فرصة , و بلا دوران فالقهاوي بلا تيليفونات بلا ميساجات بلا صداع الراس ,  كتمشي معاك و هي مقتنعة أنها تفعل الصواب ,  بلا إحساس بالذنب أو الخيانة لواليديها و لمحيطها لي زرعوا فيها أحكام مسبقة على الشرف , و على الذئاب البشرية , و أنها خاصها تحضي  راسها منهم , وكاع دوك مخلفات ما قبل التمدن و الحداثة . لذا كنا فين مكتقول لشي عشيرك راه غادي نتلاقا واحد الساطة , أول سؤال يباشرك به هو : واش كوووول . 

و بعد هذا السؤال هناك أسئلة أخرى أساسية منها :

-إينا موسيقى كتصنت ؟

- واش عندها مع السينما ؟

- واش خدامة ؟

- فين كتقرى ؟

- شحال جابت فالباك ؟

 و السؤال الأخير أساسي و محوري , حيث كنا كنعتامدو معدل القبول فالأقسام التحضيرية .... و الى كانت خدامة , كتسول على مجال عملها , و كتخمن الصالير شحال , و الى مكانتش خدامة كتحرى على واليديها واش بيخير عليهم من خلال أسئلة غير مباشرة , و من خلال ترسانة مكاياجها , عطورها, حوايجها , بزطامها واش فيه ليكارط كيشي , حيث أهم حاجة هي الإستقلال المادي و المعنوي و تكون متحررة , و هاد المفهوم لي كيحيلنا مباشرة لأنها تكون كووول .

أماكن الصيد غالبا مكتكون عبر مواقع الإتصال مع بعض الإستثنائات (قهوة ....مكان عمل ....تران ...بوب... بواط متكتكة ...بار بعقلو شيك..) من إيامات الميرك , و مرورا عبر الياهو و الإيميسين و المنتديات الحوارية و الفكرية و البالتالك و كامفروك , انتهائا بمعجزة الحياة المعاصرة الفايسبوك ... كاين لي كيفتاخر بأنه في سيرته الذاتية نكح من الإيميسين إتنين و تلاتين مرة .. و نكح من البالتالك اتنى عشر مرة  , ومن المنتديات خمس مرات , و هاكة و ملي كنوصلو للفايس كتلقى العدد كيتضاعف و مدة الإستدراج كتنقص ... فالإيميسين كانت بعض الحالات كتدوز معاها شهرين ديال الهدرة غي باش تلوحليك تصويرة , دابا كتدخل للفايس كتلقاها مشتتة مية و خمسين صورة فمختلف الأماكن و الأوضاع , حتى فالطواليط ديال دارهم .

 كنبقاو نتباهاو على بعضياتنا بأشكال صحاباتنا , بمكانتهم المجتمعية , بمواقعهم الطبقية , بأصولهم العرقية , بشهاداتهم الأكاديمية . و أهم حاجة بسرعة إستدراجهم للدار فأقل مدة ممكنة إبتداء من وقت إرسال أول كلمة فالشات . كاين لي عندو فالروكور تلات أيام ما بين أول كلمة فالشات و أول بليزير فالفراش .

و من بين القوانين لي وضعنا كاين : عمرك تعمر السوق مع ساطة بعيدة عليك بأكثر من ألف ريال ديال المركوب .... شكل الساطة هو لي كيحدد مدة المحادثة .....كل ما يتحرك هدف ..... عمرك تكون آمي فحياة شي ساطة كون مشروع نكحة مؤجلة و متكونش آمي ,.... و عمرك تقول لشي وحدة نتي بحال ختي ....عمرك تسول الساطة على شحال فعمرها أو واش مرتابطة ....أفضل قهوة يمكن تتلاقاو فيها خاص تكون أقرب وحدة للدار ....و طبعا ديما كون معجب و فحالة حب دائمة و ديما حسس الساطة بأنها مميزة على الأخريات فعمقها فأحسيسها فعقلها فشخصيتها فأفكارها .... أفضل الساطات هوما لي عاد خارجين من شي علاقة حب مريضة, كانو فيها مشاريع مستقبلية لم تتحقق, أو لي عندهم مشاكل مع واليديهم و خصوصا الأب .... أكثر الساطات تعلقا و تهيجا وتطرفا و عنفا فالحب هوما لي جربو ينتاحرو شي نهار ....الساطة الى نقص وزنها على خمسة و خمسين كيلو مابقاتش بنادم ....واياك من لقصارات فكما قال الزمخشري شر النساء البحاتر (القصار)..اما اليساريات فلا يجوز مضاجعتهن إلا وطئا و هم بحكم السبايا نظرا لعدائهم الشخصي لكل ما هو حي و لكل ما هو ليبيرالي ....إياك ثم إياك من أي حاجة كتحمل فإسمها الإلتزام , علاقة ملتزمة , موسيقى ملتزمة , أدب ملتزم و ما الى غير ذلك حيث هادشي ديال ضعاف النفوس و المعاقين ذهنيا و لي معندهمش القدرة على التعايش مع الوجود بقذارته و جماله و كيحاولوا بيئس أنهم يتميزو و يعطيو قيمة لحياتهم من خلال تبني قضايا غيرهم و الإلتزام بها ....قضية واحدة لي كاينة هي اللذة و المتعة و الإشباع و ضع هادشي هو الهدف من وجودك ..... لا فرق بين الساطة تقدمية أو رجعية  إلا بالترمة .... أقرب الساطات للبرتوش أقربهم للقلب ....أتناء المضاجعة الأولى ضع نصب عينك أن الهدف ماشي هو البليزير ديالك و إنما بليزير الساطة , لأن فالمضاجعة الأولى كيبان مصير العلاقة و كيبان البرهان , و الى دازت واعرة ديما ركز على أن ما يجمعكم هو أسمى و أرقى ما قد يجمع أي كوبل ....إياك ثم إياك ثم أياك من القدف السريع و من أن تجيب بليزيرك قبل الساطة ....عمرك تيق بالتصاور الفايسبوك .... ديما مدح الريحة لي دايرا الساطة و سولها اينا ماركة , و كون مأكد أنه بعدها غادا تلقي الساطة محاضرة مطولة على أنواع الروايح لي عندها , و على شغفها بيهم و على أنها كتموت فالروايح ...و حاول ما أمكن ثقف راسك فالماركات ديال حوايج لبنات و عطورهم و ماكياجهم و مسلسلاتهم , و خاص تقرى ولو مرة مرة المجلات النسائية و تفرج فالبرامج الموجهة اليهم حيث خاص تجمع أكبر عدد ديال المعلومات باش تكون مسيطر , راه هاكة حتى فالحرب ...إياك و الصواب و الأدب المفرط حيث موجودين و كيتظاهروا بيهم العديد من المخصيين نتا كتمتل التجديد وكسر الرتابة و الروتين فحياة أي ساطة ....أهم الكتاب لي يمكن تقراليهم و تحفظهم و تطبق داكشي لي كيقولوا هوما : الماركيز دوساد ... نتشيه ....ماريو باراخاس يوسا ....و فرويد ....و خصوصا ميكافيلي ....

الجيل ديالي أنا عاش مراهقته مع الأفلام الهندية , و مرة مرة مع الأنترنيت ( أول مرة تكونيكتيت كانت عندي 15 عام ) و الأنترنيت بالنسبة ليا كانت هي الموسيقى و البورنو . قبل منولي كنربط من خلالها علاقات حب , و هاد الموسيقى و البورنو كانو  ملخصين فموقعين أراب سيس و سيس أراب,  و من بعد تطورات معارفني و مداركني , و لكن عمرني تخايلت أنه غادي يجي شي نهار غادي نولي نتفرج فيلم ديال البورنو بجودة آ ش دي و فتلفازة ليد آ ش دي حجمها 52 بوصة , و حتى دازت أربعة عشر سنة عاد لقيت راسي فواحد المكان لي فيه هادشي , و طبعا محرمتش راسي من أنني نستمتع و نعيش هذه اللحظة التاريخية , و نتشاركها مع صحابي فالفايس بأن التقطت لي صورة مع التلفاز الكبير و فيه مشهد لنجمة بورنو كتدوش فالكشكوشة .... الله الله ... هرمت من أجل هذه اللحظة التاريخية , و لكن لي هرس هاد المتعة هو أنني ملي حطيت التصويرة فالفايس قام بعض الأخلاقيين المقرفين بالتبليغ عني للإدارة و بهذا منعت لمدة أسبوع من ممارسة مهنتي كزلال , بأن منعت من كتابة أي تعليق أو حتى ديك جيييم و هاكة دوزت سيمانة أصم و أبكم سمحوا لي فقط بأن نشوف و نسكت ..... و بذلك إظطريت لأنني نزاول مهنتي بالطريقة القديمة , و جاب الله التيسير و لكن فإفران , و كانت الطوموبيل و هدرت بزاف أكثر مما هو مسموح به فقوانينا , لذا هالعار الى لحت شي صورة فالفايس هاد المرة متسينياليوهاش حيث بذلك كتساهموا بإنتشار التحرش فالشوارع العامة , خليو بنادم مخشي فالفايس كيتحرش 

..من وسط دارو و مخشي تحت الكاشة حسن متخرجوه للشارع ساعر ......